सतत विचारले जाणारे प्रश्न
- गोडया पाण्यातील मत्स्यसंवर्धन युक्त प्रमुख मासे कोणते?
- गोडया पाण्यातील मत्स्यबीज कोठे व केव्हा उपलब्ध होईल?
- गोडया पाण्यातील तलाव/ मत्स्यतळी यामधून अधिक मत्स्योत्पादनासाठी किफायतशीर मत्स्यबीज साठवणूकीचे प्रमाण किती?
- गोडया पाण्यातील तलाव/मत्स्यतळया मध्ये मासळी वाढीसाठी कोणते खाद्य वापरावे?
- मत्स्यव्यवसाय विषयक प्रशिक्षण कोठे मिळू शकेल?
- निमखारे पाण्यातील मत्स्यसंवर्धन युक्त प्रजाती कोणती?
- मत्स्यव्यवसाय विषयक अनुदानाची योजना कोणती?
- निमखारे/तटीय क्षेत्रात मत्स्य/कोळंबी संवर्धनासाठी नोंदणी कुठे करावे?
- जलाशय/तलाव यामध्ये पिंजरा मत्स्यसंवर्धनाची कोणती कार्यपध्दतीचा अवलंब करण्यात येतो?
- राज्याच्या सागरी जलधीक्षेत्र किती व या क्षेत्रातील मासेमारी नियमन कोणत्या कायदयान्वये करण्यात येते?
- सागरी मासेमारी बंदी कालावधी निश्चित करण्यात आला आहे काय ? असल्यास कालावधी
- कोणत्या मांगूर प्रजाती संवर्धनास प्रतिबंध करण्यात आलेला आहे?
- सागरी विषयक प्रशिक्षण कुठे उपलब्ध आहे?
- महाराष्ट्र राज्याचा “राज्यमासा” कोणता?
उत्तर : कटला, रोहू, मृगल, सायप्रिनस, पोशा कोळंबी इ.(फोटो लिंक)
उत्तर : राज्यातील शासकीय मत्स्यबीज उत्पादन केंद्र तसेच प्रमाणिकरण केलेल्या मत्स्यबीज उत्पादन केंद्र येथून मत्स्यबीज उपलब्ध होईल. भारतीय प्रमुख कार्य मत्स्यबीज उपलब्धतेचे मुख्य हंगाम माहे जुलै ते सप्टेंबर अखेर. (यादीची लिंक)
उत्तर : तलावात मत्स्यबोटुकली (50-60 मि.मि.) स्वरुपात प्रति हेक्टर 5000 नग, या प्रमाणात संचयन असावे.
उत्तर : तलाव/ मत्स्यतळयातील माशांच्या वजनाच्या प्रमाणात स्थानिक उपलब्धतेनुसार शेंगदाणा पेंड, भाताचा कोंडा तसेच कृत्रिम तयार मत्स्यखाद्य वापरावे.
उत्तर : मत्स्यव्यवसाय संबंधित संशोधन संस्था, मत्स्य महाविदयालय, समुद्र उत्पाद निर्यात विकास प्राधिकरण तसेच मत्स्य सेवा केंद्र या ठिकाणी प्रशिक्षण उपलब्ध आहे.
उत्तर : जिताडा, टायगर कोळंबी, वेनामी कोळंबी, खेकडा (फोटो लिंक)
उत्तर : प्रधानमंत्री मत्स्यसंपदा योजना (फोटो लिंक)
उत्तर: तटीय जलकृषी प्राधिकरण, चेन्नई यांच्याकडे उपविभागीयस्तरीय/ जिल्हास्तरीय समितीमार्फत अर्ज करावे.
उत्तर : कृषि व पदुम विभाग यांच्या दि. 18.01.2023 च्या शासन निर्णयान्वये पिंजरा मत्स्यसंवर्धनाचे धोरण राबविण्यात येते. (शासन निर्णय लिंक)(फोटो लिंक)
उत्तर : महाराष्ट्र राज्याची सागरी जलधीक्षेत्र हे 12 सागरी मैल इतके आहे. महाराष्ट्र सागरी मासेमारी नियमन अधिनियम 1981, नियम 1982 तसेच महाराष्ट्र सागरी मासेमारी नियमन (सुधारणा) अधिनियम-2021 नुसार व या अंतर्गत निर्गमीत आदेश/ अधिसुचना याद्वारे मासेमारी नियमन करण्यात येते. (लिंक कायदा व नियम)
उत्तर : होय. पश्चिम किनारपट्टीवर यांत्रिक मासेमारी नौकांसाठी दि.01 जून ते 31 जुलै (61 दिवस) मासेमारी बंदी कालावधी लागू करण्यात आलेला आहे.
उत्तर: आफ्रिकन कॅटफिश (क्लेरियास गॅरीपिनस) या मांगूर प्रजातीस प्रतिबंध करण्यात आले आहे.
उत्तर : नौकेची इंजिन निगा, नौकानयन शास्त्र व मासेमारी साधने विषयी, मत्स्यव्यवसाय प्रशिक्षण केंद्र, सातपाटी, वसई, वर्सोवा, अलिबाग, रत्नागिरी व मालवण येथे सहा महिन्याचे प्रशिक्षण आयोजित केले आहे.
उत्तर : पापलेट (सरंगा) (चांदीचे पोम्फ्रेट)